Poslovne vesti - Makedonija

„Винер“ со лиценца за животно осигурување

„Виена осигурителна групација“ доби лиценца за животно осигурување во Македонија. Официјално, од 2011 година започнува со понуда на животно осигурување. Животното осигурување, кое е и основна дејност на „Виена осигурителна групација“, постои 180 години. 

Одобрувањето и добивањето лиценца од страна на македонската осигурителна супервизорска агенција за осигурување на живот за „Винер животно - Виена осигурителна групација, Скопје“ и' овозможува на „Виена осигурителна групација“ да продолжи со проширување на својата активност и присуство во Централна и во Источна Европа.

Се планира продажните активности да се спроведуваат и преку Шпаркасе банка Македонија АД Скопје, која и' припаѓа на „Ерсте група“. Договорот за продажба со „Ерсте група“ ќе се прошири со десет земји.

„Виена осигурителна групација“ е активна во неживотно осигурување во Македонија од 2007 година со „Винер Виена осигурителна групација“ и е една од топ 10 бизниси на локалниот пазар за осигурување.